Ni kipi kinokuliza, mayowe twayasikia?
Walia kufululiza, 'kitweta kila hatua!
Huwajali watuliza, sikio 'mewazibia!
Uwache kukililia, usichoweza kupata!
Mtu akikutuliza, uwache kumfokea
Bila ya kumfukuza, ni vema kumsikia!
Ujapokosa nyamaza, wacha tishiatishia!
Uwache kukililia, usichoweza kupata!
Ndugu epuka matata, nakupa huu wosia
Kwa udi kutotafuta, makuu kujitakia
Unajigamba u jeta, utu umeshauvua!
Uwache kukililia, usichoweza kupata!
Waparamia mafuta, ki ki ki washikilia
Jaala hutoifuta, aloandika Jalia!
Mpiga ngumi ukuta, makono yataumia!
Uwache kukililia, usichoweza kupata!
(DIWANI YA "MRATIBU", 2013).
Hakuna maoni:
Chapisha Maoni